UMPASA: Q-Z

R
.
Ramba na poso, na sotubuan lata.
Halak na poso, na so umboto hata.
.
Rande ampapaluan, Porapora di salean.
Raja do pangalualuan, Namora paulaean.
.
Rata pe bulung ni salak, Rataan bulung ni sitorop.
Uli pe hata sahalak, Ulian do hata torop.
.
Ripakripak ni saung, Aosaos ni ansuan.
Ia olo gabe taon, Olo na manggarar utang.
.
Ruma ijuk di jolo ni sopo gorga,
Asi ma roha ni amanta Debata.
Sai dilehon ma dihamu,
Anak na bisuk dohot boru na marroha.
.
Rusuk baru ni horbo, masirahutrahutan.
Na mardongan sabutuha, Masiahutahutan.
.
S
.
Sabat do indahan, Nilompa nisusuban.
Mandapot di sibaran, Do sahatsahat ni paruntungan.
.
Sada jaringkot do hamusada jarongkot,
Parsanggul jabijabi.
Sada parhingkas do hamu, sada parbongkot,
Na rap partahitahi.
.
Sada tangan siamun, sada tangan hambirang.
Manumpak ma ompunta Debata, di parsaripeonmu unang olo sirang.
.
=> Lengkap dalam bentuk PDF, hubungi: bangun_b@yahoo.com