UMPASA: I-P

I

.

Ia tumbur bonana, Rugun ma dohot punsuna.
Ia gabe maradonghon hulahula, Songo i ma dohot boruna.

.

Ihan dohot porapora, Di aek Sarungmanggita.
Iba ma naung mamora, Molo tuk pangaononniba.

.

Ihan sayur di bulung ujung, Tarpayak di ginjang anduri.
Sayur nian matua bulung, Sianon tu ginjang ni ari.

.

Ihan sayur di bulung ujung, Tarpayak di ginjang anduri.
Sayur nian matua bulung, Sianon tu ginjang ni ari.

.

Ijuk di parapara, Hotang di parlabean.
Na bisuk nampuna hata, Na oto tu panggadisan.

.

Ingkon loja do siborok, Manjalahi guluan.
Loja do roha, Manjalahi hangoluan.

.

Ingkon martangga martordingan do.

Songon paranak ni balatuk.

.

Ingkon sada do songon dai ni aek.

Unang madua songon dai ni tuak.

.

Janji urat ni eme,Tu laklak ni simallassuna.
Pada na so ra sega, Uhum na so ra muba.

.

M

.

Manuk ni Pealangge, hotekhotek lao marpira.

Nasirang maraleale, lobian sian matean ina.

.

=> Lengkap dalam bentuk PDF, hubungi: bangun_b@yahoo.com