UMPASA: A-H

A
.
Adong do nian porda, Hulamot do soada.
Adong do nian jolma, Sinamot do soada.
.
Adong do manuk mira, Potekpotek manuk kulabu.
Tua ni na marina, Manjoujou sian jabu.
.
Aek godang do aek lautDos ni roha do sibahen na saut.
.
Aek na tio do hami, Riongriong di pinggan pasu.
Hulahula na basa do hami, Na ringgas mamasumasu.
.
Aek sibarabara, Duruna i tubuan tolong.
Tung aha pe muse na masa, Ndang boi mago ianggo holong.
.
Ampaga dolok, Ampaga Sibuluan.
Unang hita Marbada, Ai hita do marsogot, hita haduan.
.
Amporik marlipik, Habanghabang tingki haleon.
Na godang do na otik, Asal ias roha mengalehon.
.
Andalu panduda, Anduri pamiari.
Ndang dapot tajua, Pandokkon ni saro ni ari.
.
Andor halumpang, Togutogu ni lombu.
Sai saur matua ma ho, Paabingabing pahompu.
.
Andor ras ma andor ris, Andor ni Simamora.
Sai horas ma hita torkis, Sai rap gabe jala mamora.
.
=> Lengkap dalam bentuk PDF, hubungi: bangun_b@yahoo.com